Hazrat Imam Jafer Sadiq a.s,

امام جعفر صادق علیہ السلام نے فرمایا:

قیامت کے دن پروردگار عابد اور عالم دونوں کو اٹھائے گا  جب یہ خدا کے سامنے آئیں گے تو عابد سے کہے گا جنت میں جاؤ اور عالم سے کہے گا رک جاؤ اور تم نے جن جن کی تربیت کی ہے ان کی شفاعت کرتے جاؤ۔

(بصائر الدرجات ج1ص8 ، علل الشرائع ج2 ص394 ، بحار الانوار ج2ص16)

Hazrat Ali a.s,

سخاوت

امیرالمؤمنین علیؑ ابن ابی طالبؑ:

السَّخَاءُ مَا كَانَ ابْتِدَاءً فَأَمَّا مَا كَانَ عَنْ مَسْأَلَةٍ فَحَيَاءٌ وَ تَذَمُّمٌ.

سخاوت وہی ہے جو ابتداءً کی جائے،ورنہ مانگنے کے بعد تو شرم و حیا اور عزت کی پاسداری کی بنا پر بھی دینا پڑتا ہے۔

(نہج البلاغہ کلمات ِقصار 53)

IMAM Hassan 'Askari a.s,

حضرت امام حسن عسکری علیہ السلام 

إنَّ اللهَ تَبارَكَ وَ تَعالى بَيَّنَ حُجَّتَهُ مِنْ سائِرِ خَلْقِهِ بِكُلِّ شَىْء، وَ يُعْطِيهِ اللُّغاتِ، وَمَعْرِفَةَ الاْنْسابِ وَالاْجالِ وَالْحَوادِثِ، وَلَوْلا ذلِكَ لَمْ يَكُنْ بَيْنَ الْحُجَّةِ وَالْمَحْجُوحِ فَرْقٌ.

اللہ سبحانہ تعالیٰ نے اپنی حجت کو ہر شیٔ سے آگاہ بنا کر تمام مخلوقات کے درمیان بھیجا ہے اسے ہر زبان ، تمام انسانوں کے حسب ونسب ، موت کے وقت اور حادثات سے آگاہ کر دیا ہے اور اگر ایسا نہ ہوتا تو حجت اور محجوج میں کوئی فرق ہی نہ رہ جاتا۔

(اصول كافى: ج 1، ص 519، ح 11)

Hazrat Muhammad savaw,

ڈاڑھی منڈوانا

پیامبر اکرم صلی اللہ علیہ وآلہ وسلم نے فرمایا:

1۔مجوسی داڑھی مونڈتے ہیں اور مونچھیں بڑی رکھتے ہیں. اور ہم اس کے برعکس۔

(وسائل الشیعہ: ج 1 ص421)

2۔مونچھیں چھوٹی رکھو اور داڑھی بڑی رکھو۔

(وسائل الشیعہ ج1 ص423)

3۔داڑھی مونڈنا ایک مثلہ کی قسم (جسم و روح کو اذیت دینا) ہے. اور جو بھی اس طرح کرے اس پر خدا کی لعنت ہو۔

(مستدرک الوسائل ج1 ص406)

4۔داڑھی مونڈنا عمل قوم لوط میں سے ہے۔

(مستدرک الوسائل ج1,ص407)

Hazrat Ali a.s, Hazrat Imam Ali Raza a.s,

حضرت علی علیہ السلام فرماتے ہیں:

گذشتہ زمانے میں کچھ گروہ داڑھی مونڈتے تھے اور مونچھیں رکھتے تھے خداوند متعال نے ان کو مسخ (جانوروں کی شکل میں تبدیل) کردیا۔

(حلیۃ المتقین، ص:187)

امام علی رضا علیہ السلام فرماتے ہیں:

خداوند متعال نے مَردوں کو داڑھی کے ذریعے زینت بخشی ہے اور ان کے لئے باعث فضیلت ہے اور داڑھی کے ذریعے مرد پہچانے جاتے ہیں۔

(سفینۃ البحار، ج2، ص:508)

Hazrat Muhammad savaw,

حضرت رسول اکرم صلی الله علیہ و آلهٖ وسلم نے فرمایا:

 کتنا اچھا ہے کہ انسان کبھی خلوت میں بیٹھ کر اپنے گناہوں کو یاد کرے اور پھر خدا کی بارگاہ میں اپنے گناہوں کی بخشش کے لئے توبہ و استغفار کرے۔

(لیکن افسوس آج ہمیں خلوت ملتی ہی نہیں جہاں اکیلے ہوئے فوراً موبائل ہاتھ میں آجاتا ہے ہمیں اپنے گناہوں کو یاد کرنے کا اصلاً وقت ہی نہیں ملتا۔)

(نہج الفصاحہ حدیث 1399)

Hazrat Ali a.s,

امام علی علیہ السلام نے فرمایا:

حسد تمہیں ضرر اور غم و غصہ کے علاوہ کچھ نہیں دیتا؛ تمہارے دل کو کمزور کرتا ہےجسم کو بیمار کرتا ہے، اور دل کی بڑی بیماریوں میں شمار ہوتا ہے۔

(مستدرک الوسائل ج 12 ص 17)

Hazrat Imam Jafer Sadiq a.s,

طولانی گریہ

حضرت امام صادق علیہ السّلام فرماتے ہیں :

بَکی عَلیُّ بْنُ الحُسَینِ علیه السّلام عِشْرینَ سَنَةً وَ ما وُضِعَ بَیْنَ یَدَیْهِ طَعامٌ اِلاّبَکی .

امام زین العابدین علیه السّلام نے 20 سال (عاشورا کی یاد میں ) گریہ کیا اور جب بھی آپ کے سامنے کھانہ رکھتے تھے تو آپ گریہ کرتے تھے۔

(بحارالانوار ، ج 46 ، ص 108)

Hazrat Imam Jafer Sadiq a.s,

ابان بن تغلب اما م صادق علیہ السّلام سے نقل کرتے ہیں کہ آپ نے فرمایا:

نفس المہموم لظلمنا تسبیح وھمّہ لنا عبادة وکتمان سرّنا جھاد فی سبیل اللہ ثمّ قال أبو عبد اللہ علیہ السّلام : یجب أن یُکتب ھذا الحدیث بالذّھب.

ہمارے ظلم پر غمزدہ سانس لینا تسبیح ہے اور ہماری خاطر غمگین ہو نا عبادت ہے اور ہمارے راز کو مخفی رکھنا جہاد فی سبیل اللہ ہے ۔اور پھر فرمایا: ضروری ہے کہ اس حدیث کو سونے سے لکھا جائے ۔

(امالی شیخ مفید : ٣٣٨؛ بحارالانوار ٤٤: ٣٥١)

Hazrat Imam Jafer Sadiq a.s,

حضرت امام صادق علیہ السلام: 

فَإِذَا خِفْتَ الْهَدْمَ عِنْدَ الزَّلْزَلَةِ فَاقْرَأْ عِنْدَ مَنَامِكَ‏.

اگر زلزلے سے گھر کے خراب ہونے کا خوف ہو تو سوتے وقت پڑھو۔ (سورہ فاطر/۴۱)

إِنَّ اللَّهَ يُمْسِكُ السَّماواتِ وَ الْأَرْضَ أَنْ تَزُولا وَ لَئِنْ زالَتا إِنْ أَمْسَكَهُما مِنْ أَحَدٍ مِنْ بَعْدِهِ إِنَّهُ كانَ حَلِيماً غَفُوراً

بیشک اللہ زمین و آسمان کو زائل ہونے سے روکے ہوئے ہے اور اس کے علاوہ دوسرا کوئی سنبھالنے والا ہوتا تو اب تک دونوں زائل ہوچکے ہوتے وہ بڑا بردبار اور بخشنے والا ہے۔

(طبرسى، حسن بن فضل، مكارم الأخلاق، ص۲۹۰)

Hazrat Ali a.s,

امیرالمؤمنین علیؑ ابن ابی طالبؑ:

أَوْلَى النَّاسِ بِالْعَفْوِ أَقْدَرُهُمْ عَلَى الْعُقُوبَهِ

سب سے زیاده معاف کرنے کا حقدار وه ہے جو سب سے زیاده سزا دینے کی طاقت رکھتا ہو۔

(نہج البلاغہ،کلمات ِقصار 52)

IMAM Hassan 'Askari a.s,

امام حسن عسکری علیہ السلام :

لا تمار فیذهب بهاءک ولا تمازح فیجترء علیک.

 لڑائی جھگڑا نہ کرو ورنہ تمہارا احترام ختم ہو جائے گا اور زیادہ مذاق کرنے سے گریز کرو ورنہ لوگ تمہارے خلاف جرأت کرنے لگیں گے۔

(بحارالانوار،ج۷۶،ص۵۹)

Hazrat Imam Jafer Sadiq a.s,

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ

زیارت امام حسینؑ کا ثواب

___________________

امام جعفر صادق علیہ السلام:

جو کوئی معرفت کے ساتھ امام حسینؑ کی زیارت پر جائے الله تعالی اس کے لئے 1000 غلاموں کو آزاد کرنے کا اجر لکھتا ہے اور وه اس شخص کی طرح ہے جو 1000 مجاہدین کو ایسے گھوڑوں کے ساتھ که جن پر زین لگائے اور لگام لگا کر تیار کرے اور الله تعالی کی راه میں جنگ کے لئے بھیجے۔

(کافی، ج4، ص581 )

Hazrat Imam Jafer Sadiq a.s,

زیارت امام حسینؑ کی اہمیت

حضرت امام صادقؑ نے فرمایا:

مَنْ زَارَ قَبْرَ الْحُسَیْنِ لِلّٰہِ وَفی اللّٰہِ، اٴعْتَقَہْ اللّٰہ مِنَ النّٰارِ، وَآمَنَہُ یَوْمَ الْفَزَعِ الاٴکبَرِ، وَلَمْ یَسئَلِ اللّٰہَ حَاجَةً مِن حَوَائِجِ الدُّنیاَ وَالآخِرَةِ اِلاّ اٴعطاَہُ.

جو شخص امام حسینؑ کی، خوشنودئ خدا کیلئے اور فی سبیل الله زیارت کرے تو خداوندعالم اس کو آتش جہنم سے نجات عطا کریگا اور قیامت کےدن اسکو امان دیگا، اور خداوندعالم سے دنیا و آخرت کی کوئی حاجت طلب نہیں کریگا مگر یہ کہ خداوندعالم اسکی حاجت پوری کر دیگا۔

(کامل الزیارات، ص145، باب57، حدیث7۔ بحارالأنوار، ج98، ص20، باب3، حدیث9)

Hazrat Muhammad savaw,

اللہ تعالیٰ نے حضرت موسيٰ علیہ السلام کو

وحي کی:

مجھے اس زبان سے  پکارو جس سے کوئی گناہ سر زد نہ ہوا ہو

 موسيٰ علیہ السلام نے کہا: اے خدايا! اس طرح کی زبان کہاں سے لاؤں؟

 جواب آیا: مجھے اپنی زبان کے علاوہ پکارو

يعني دوسروں سے کہو تاکہ تمہارے لیے دعا کریں 

کیونکہ آپ نے ان کی زبان سے کوئی گناہ نہیں کیا، البتہ اس حدیث کا دوسرا مطلب بھی ہے کہ اپنی زبان کو دعا کے قبول ہونے کے لئے گناہوں سے بچائیں۔

(وسائل الشيعه: ج 7، ص 109)

پيغمبر اکرم صلی الله علیہ وآلہٖ وسلم فرماتے ہیں :

جب آپ دعا کرتے ہیں تو تمام لوگوں کے لئے دعا کریں تاکہ (قبول ہونے کے نزدیک ہو )دعا قبول ہو جاتی ہے۔

(عده الداعي، ص 157)

Hazrat Muhammad savaw,

اللہ تعالی کی کنوارے لوگوں پر لعنت ہے : 

پيامبر خدا صلى الله عليہ و آله وسلم فرماتے ہیں:

لعَنَ اللّهُ المُتَبَتِّلينَ  مِنَ الرِّجالِ وَالمُتَبَتِّلاتِ مِنَ النِّساءِ ؛ الَّذينَ يَقولونَ : لا نَتَزَوَّجُ . 

اللہ تعالی ایسے مردوں اور ایسی عورتوں پر لعنت کرتا ہے ، جو اکیلے میں زندگی گزارنا چاہتے ہیں:اور جو کہتے ہیں ہم شادی نہیں کرنا چاہتے۔

(الفردوس : ج 3 ص 466 ح 5446)

Hazrat Ali a.s,

سردی

امام علی علیہ السلام

سردی کے شروع میں سردی سے احتیاط کرو اور آخر میں اس کا خیر مقدم کرو

کیونکہ 

سردی جسموں میں وہی اثر کرتی ہے جو درختوں پر کرتی ہے کہ ابتداء میں درختوں کو جھلسا دیتی ہے اور انتہاء میں سر سبز و شاداب کردیتی ہے۔

(نہج البلاغہ حکمت 128)

Hazrat Imam Sajjad a.s,

عزاداری کرنے کی جزا بہشت ہے 

حضرت امام سجاد علیہ السلام فرماتے ہیں:

ایما مؤمن دمعت عیناه لقتل الحسین و من معه حتی یسیل علی خدیه بوأه الله فی الجنه غرفا .

ہر اس مؤمن کی آنکھیں جو حسین بن علی علیہ السلام اور ساتھیوں کے شہید ہونے پر اشکبار ہو اور آنسوؤں اس کے چہرے پر جاری ہوں تو اللہ تعالی اس کو بہشت میں مکان عطا فرمائے گا۔

(ینابیع الموده، ص .۴۲۹)

Hazzrat Imam Jafer Sadiq a.s

تین ایسےعمل جو طول عمر کا باعث ہیں

حضرت امام جعفر صادق علیہ السلام فرماتے ہیں:

تین چیزیں ایسی ہیں کہ اگر مؤمن اس سے مطلع ہو جائے۔طول عمر کا باعث بنیں گی اور اللہ تعالی کی نعمتوں سے ہمیشہ استفادہ کرے گا۔

1️۔رکوع اور سجدہ کو طولانی کرنا.

2️۔اس دسترخواں پر زیادہ بیٹھنا جب دوسرے افراد کھانا بھی تناول فرما رہے ہوں۔

3️۔اپنے اہل و عیال کے ساتھ خوش اخلاقی سے پیش آنا۔

(کافی ج۴ ص۴۹ ح۱۴)

Hazrat Ali a.s,

امیرالمؤمنین علیؑ ابن ابی طالبؑ:

ہوشیار رہو ہوشیار! کہ پروردگار نے گناہوں کی اس قدر پرده پوشی کی ہے کہ انسان کو یہ دھوکہ ہو گیا ہے کہ شاید معاف کردیا ہے۔

(نہج البلاغہ،کلماتِ قصار، 30)

Hazrat Imam Jafer Sadiq a.s,

امام جعفر صادق علیہ السلام نے فرمایا:

مَنْ أَتَى قَبْرَ الْحُسَیْنِ ع مَاشِیاً کَتَبَ اللَّهُ لَهُ بِکُلِّ خُطْوَةٍ أَلْفَ حَسَنَةٍ وَ مَحَا عَنْهُ أَلْفَ سَیِّئَةٍ وَ رَفَعَ لَهُ أَلْفَ دَرَجَةٍ.

جو کوئی بھی امام حسین علیہ السلام کی قبر کی زیارت کے لیے پیدل جائے تو الله تعالی اس شخص کو ھر  قدم کے بدلے میں ھزار نیکیاں اس کے نامہ اعمال میں لکھتا ہے، ہزار گناه مٹا دیتا ہے، اور اس کا مرتبہ ہزار درجے بڑها دیتا ہے۔

(وسائل الشیعه ج14ص232)

Hazrat Imam Muhammad Taqqi a.s,

امام محمد تقی علیہ السلام 

مومن کو تین چیزوں کی ضرورت ہے:

1_اللہ کی طرف سے توفیق

2_اندرونی نصیحت کرنے والا

3_نصیحت کرنے والے کی نصیحت قبول کرنا۔

( تحف العقول، ص 457)

Hazrat Imam Jafer Sadiq a.s,

قال الامام جعفر صادق علیہ السلام

عنْ أَبِی عَبْدِ اللَّهِ ع‏ فی زیارة قبر الحسین: مَن زارَهُ کانَ اللّهُ لَهُ مِن وَراءِ حَوائِجِهِ، وکَفى ما أهَمَّهُ مِن أمرِ دُنیاهُ، وإنَّهُ یَجلِبُ الرِّزقَ عَلَى العَبدِ، و یُخلِفُ عَلَیهِ ما یُنفِقُ۔

حضرت امام حسین علیہ السلام کی زیارت بارے میں فرماتے ہیں : جو بھی حضرت امام حسین علیہ السلام کی زیارت کے لئے جائے اللہ تعالی اس کی تمام تر ضروریات پوری کرے گا اور دنیا میں جو چیز اس مؤمن کے لئے اہمیت رکھتی ہوگی کفایت کرے گی اور اسی طرح زیارت امام حسین علیہ السلام بندہ کے رزق میں اضافہ کا باعث ہے اور  زیارت کے لئے جتنا مال خرچ کیا ہوگا ، اس کو واپس میں جائے گا۔

(تهذیب الاحکام، ج6، ص4)

Hazrat Muhammad savaw,

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ

رسول خدا صلی اللہ علیہ وآلہ وسلم نے فرمایا 

اگر کوئی یہ جاننا چاہتا ہے کہ اللہ کے نزدیک اس کا کیا مقام ہے تو وہ یہ دیکھے کہ اس کے نزدیک اللہ کا کیا مقام ہے۔ 

کیونکہ اللہ اپنے بندے کو اتنا ہی مقام دیتا ہے، جتنا بندہ اللہ کو دیتا ہے۔

{بحار الانوار ج90 : ص163}

Hazrat Ali a.s,

امام على عليہ السلام:

لا تَقُل ما لا تَعلَمُ ؛ فَتُتَّهَمَ بِإِخبارِكَ بِما تَعلَمُ !

جن چیزوں کو بیان کرتے ہو، ان میں سے اگر کسی کو نہیں جانتے تو نہیں کہو، وگرنہ جھوٹے شمار کیے جاؤ گے۔

(غرر الحكم ح10)